• ԱՆՀԱՏԱԿԱՆ ՓԱԹԵԹՆԵՐ
• ԸՆՏԱՆԵԿԱՆ ՓԱԹԵԹՆԵՐ

Առաջինը Հայաստանում «Գարանտ-Լիմենս» ապահովագրական ընկերության կողմից մշակված առողջության ապահովագրության նոր փաթեթը երաշխավորում է բարձրակարգ բժշկական ծառայությունների մատուցում` զբոսաշրջիկի` Հայաստանում և Լեռնային Ղարաբաղի Հանրապետությունում եղած ողջ ժամանակահատվածի համար: Այն ապահովում է սուր և անհետաձգելի հիվանդություններով պայմանավորված առողջական խնդիրների արագ և արդյունավետ լուծում:

Առողջության ապահովագրության պայմանագրով սահմանված պատահարներով ցանկացած առողջական խնդիր առաջանալու դեպքում զբոսաշրջիկը նախքան որևէ քայլ ձեռնարկելը պետք է անհապաղ զանգահարի շուրջօրյա գործող հեռախոսահամարով, և մեր ընկերության փորձառու բժիշկները անհապաղ կկազմակերպեն բուժօգնությունը, կկարգավորեն ֆինանսական խնդիրները: Ապահովագրավճարը սահմանվել է կախված օրերի քանակից:
Ապահովագրական գումարը կազմում է 1 500 000 ՀՀ դրամ:

Առաջինը Հայաստանում Գարանտ-Լիմենս ապահովագրական ընկերությունը Ձեզ է ներկայացնում իր աննախադեպ շահավետ առաջարկը` Մինի ԿԱՍԿՈ : Այն նախատեսված է ծածկելու տրանսպորտային միջոցի այն վնասները, որոնք չեն հատուցվում ԱՊՊԱ-ի շրջանակներում: ԱՊՊԱ-ն հատուցում է 3-րդ կողմին, իսկ Մինի ԿԱՍԿՈՆ` Ձեզ: Ուշադրություն. Ապահովագրավճարը կազմում է 25000 դրամ` կես միլիոն փոխհատուցման դիմաց:

“ՄԻՆԻ ԿԱՍԿՈ” ծրագրի ուղեցույց

1.“Մինի Կասկո” ծրագրով (այսուհետ` Ծրագիր) ապահովագրական գումարը կազմում է 500 000 ՀՀ դրամ, ինչը նշանակում է, որ վնաս կրած տրանսպորտային միջոցի սեփականատիրոջը կարող է հատուցվել առավելագույնը 500 000 ՀՀ դրամ:
2.Ծրագիրը նախատեսված է ծածկելու տրանսպորտային միջոցի այն վնասները, որոնք չեն հատուցվում ԱՊՊԱ-յի շրջանակներում, մասնավորապես.
Ծրագրով ապահովագրված տրանսպորտային միջոցի վարորդը եղել է ՃՏՊ-ի մեղավորը:
Տուժողի կրած վնասը գերազանցում է 1 500 000 ՀՀ դրամը (քանի որ ԱՊՊԱ-յի շրջանակներում հատուցվում է առավելագույնը 1 500 000 ՀՀ դրամ):
3.Ծրագրում բացակայում է Ֆրանշիզա կամ Չհատուցվող գումար հասկացությունը, ինչը նշանակում է, որ վնասը հատուցվում է ամբողջությամբ` ապահովագրական գումարի շրջանակներում: 4. Ծրագրով ապահովագրական պատահար է համարվում միայն ՃՏՊ-ի արդյունքում ապահովագրված տրանսպորտային միջոցին հասցված վնասը:
5.Ծրագրով ապահովագրական պայմանագրեր կնքվում են տրանսպորտային միջոցների սեփականատերերի կամ դրանք օրինական հիմքով շահագործողների հետ` 1 տարի ժամկետով:
6. Ծրագրով ապահովագրավճարը կազմում է 25 000 ՀՀ դրամ:
7.Հնարավոր է ապահովագրավճարի ինչպես միանվագ, այնպես էլ տարաժամկետ վճարման եղանակ:
8.Տարաժամկետ վճարման դեպքում պայմանագրի կնքման պահին վճարվում է ապահովագրավճարի կեսը, իսկ մյուս կեսը վճարվում է կնքման պահից 180 օրյա ժամկետում:

Սպորտով զբաղվելը հաճելի է և օգտակար առողջության համար,սակայն երբեմն նաև վտանգավոր: Էքստրեմալ սպորտաձևերով զբաղվելիս կարող են առաջանալ անցանկալի դեպքեր: Առաջինը Հայաստանում Գարանտ-Լիմենս ապահովագրական ընկերությունը մշակել է առողջության ապահովագրության ծրագիր ՀՀ ժամանող զբոսաշրջիկ մարզիկների համար, որը երաշխավորում է բարձրակարգ բժշկական ծառայությունների մատուցում մարզիկի` Հայաստանի Հանրապետության և Լեռնային Ղարաբաղի Հանրապետության տարածքում գտնվելու ողջ ժամանակահատվածի ընթացքում: